Веќе долго се зборува дека на крајот на сезоната како слободни играчи од Енфилд би можеле да заминат Мо Салах, потоа Вирџил ван Дајк и Трент Александер-Арнолд.
На крајот на сезоната на ова трио им истекуваат договорите со екипата на Ливерпул, а јасно е дека сите ќе имаат бројни понуди од други клубови бидејќи се работи за извонредни фудбалери.
Александар Вучковски - сомелиер: Како македонските вина го освојуваат светот? ↓↓↓
Раководството на Ливерпул конечно презеде конкретни чекори за преговори околу нов договор со Мохамед Салах во изминатите денови.
Како што тврдат новинарите на TEAMtalk, меѓу раководството на Ливерпул владее одлична атмосфера и сите очекуваат дека договорот со Салах ќе биде брзо постигнат.
Играчот кој има 32 години има клучна улога во играта на Ливерпул откако Арне Слот пристигна на Енфилд.
По досегашните одиграни натпревари во Премиерлигата, Ливерпул изглежда навистина феноменално и се наоѓа на првото место со девет бода предност во однос на своите конкуренти.
Тековниот договор на Салах истекува на крајот на сезоната, а тоа веднаш отвори бројни шпекулации за нови клубови, особено за потенцијалното заминување во Саудиска Арабија.
Ливерпул сака сè околу новиот договор да биде финализирано пред крајот на 2024 година, со цел во јануари да бидат сигурни дека Салах останува и дека никој од странските клубови не може да започне преговори со него.
Наводно е останато уште само една ситница за договорот, и сето тоа треба да биде брзо решено.
Новинарите на „TEAMtalk“ тврдат дека и Салах е многу заинтересиран за преговори за нов договор со Ливерпул, а тоа го кажал директно на раководството на клубот.
Салах јасно кажал дека сака да потпише договор на две години, а ќе видиме дали раководството на Ливерпул ќе му ја исполни таа желба.
Тоа би значело дека на Енфилд одличниот Салах ќе остане до својата 34-та година. Тој е среќен откако Слот пристигна во клубот и е фокусиран на освојување на трофеи оваа сезона.
Освен Салах, управата на Ливерпул ќе се обиде што побрзо да ги реши и договорите на Александер-Арнолд и Ван Дајк.
Учество во игри на среќа е дозволено за лица со 18+ години. Играј одговорно!