Повредите го уништија: Крај на сезоната за Паоло Дибала!

Пауло Дибала е еден од играчите на кои среќата често не им се насмевнала во кариерата.

Аргентинскиот напаѓач повторно ќе мора да земе подолга пауза поради нова повреда. Овој пат ќе мора и да се оперира, а закрепнувањето нема да биде кратко.

Рома на официјалниот профил објави дека нивниот напаѓач го очекува пауза и операција по која ќе следи рехабилитација, а медиумите во Италија веќе соопштија дека нема да го гледаме барем до следното лето на терените.

Paulo Dybala ќе се подложи на операција во следните денови поради повреда на левиот семитендинозус тетива.

Играчот и клубот заедно се согласија дека ова е најдобриот начин за оптимално закрепнување.

Му посакуваме на Пауло брзо закрепнување – се радуваме да те видиме… pic.twitter.com/ugkyeuloTM

— AS Roma English (@ASRomaEN) March 20, 2025

„Пауло Дибала ќе биде подложен на операција во следните неколку дена поради повреда на тетивата на левата нога. Играчот и клубот се согласија дека ова е вистинскиот пат за оптимално закрепнување од повредата. Најдобри желби за брзо оздравување Пауло, те чекаме“, беше напишано во соопштението.

Дибала е еден од играчите кој и покрај одличната кариера некако остана нецелосно реализиран. Поради низа повреди кои во клучните моменти го спречуваа да се бори можеби и за освојување на Златната топка, да стане еден од најдобрите играчи во светот. Неговата магија во нозете никој не може да ја негира, но овие нозе очигледно не можат да издржат доволно.

Дибала во кариерата поради бројни повреди помина надвор од теренот речиси две години кога се собираат сите денови и месеци на отсуство поради разни повреди. Навистина неговата кариера можеше да биде уште подобра од веќе одличната доколку не беа толку проблеми со повредите…