Поранешните фудбалери од Премиер лигата, Педи Кени (47) и Кертис Дејвис (40), го имаа своето боксерско деби во меѓусебен дуел. Кени, кој беше голман во Лидс и Шефилд Јунајтед, нема да го помни по добро, бидејќи доби брутален нокаут уште во првата рунда, по што му беше потребен кислород за да закрепне.
Кени и Дејвис настапија на хуманитарна боксерска вечер, на која учествуваа и девет други поранешни фудбалери, но нивниот меч привлече најмногу внимание поради начинот на кој заврши.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Додека Кени престана да игра фудбал пред седум години, Дејвис се повлече само минатата година, што јасно се виде во нивната кондиција и подготвеност. Дејвис изгледаше поенергичен и технички способен, додека Кени се мачеше со движењето и основните боксерски вештини. Судијата почна да брои откако доби серија чисти удари, а во завршницата беше соборен од Дејвис, кој го натера судијата да го прекине мечот.
Иако ова не се виде во живо, извештаите на британските медиуми откриваат дека на Кени му била обезбедена медицинска помош веднаш по мечот, користејќи маска за кислород во неговиот агол. И покрај овој пораз, поранешниот голман подоцна се огласи на социјалните мрежи, споделувајќи моменти од настанот, потврдувајќи дека е во добар здравствен статус.
Former Prem star Paddy Kenny brutally KO’d by Curtis Davies! 😮 pic.twitter.com/W1Kd9GJxLc
— The Sun Football ⚽ (@TheSunFootball) October 18, 2025
Учество во игри на среќа е дозволено за лица со 18+ години. Играј одговорно!