По пет натпревари Јокиќ се врати и – издоминира за нови рекорид! (Видео)

Најдобриот кошаркар во светот, Никола Јокиќ, се врати против Милвоки Бакс по повредата и доминираше поставувајќи нови рекорди.

Јокиќ пропушти пет натпревари поради повреда на зглобот на левата нога, а во првиот натпревар по враќањето на теренот го совлада Милвоки.

Денвер славеше со резултат од 127:117, а Јокиќ го заврши натпреварот со 39 поени, 10 скока и 10 асистенции.

Тоа беше 30-от трипл-дабл за Јокиќ оваа сезона, кој постави личен, но и рекорд на Нагетс по бројот на трипл-даблови во една сезона.

Јокиќ стана четвртиот кошаркар откако постои најсилната лига во светот кој успеал да стигне до 30 трипл-даблови во сезона. Претходно, тоа го успеале само Расел Вестбрук (три пати), Оскар Робертсон и Вилт Чемберлејн.

Players with 30+ triple-doubles in a season:

— Russell Westbrook (3x)
— Oscar Robertson
— Wilt Chamberlain

And now, Nikola Jokic. pic.twitter.com/THau9tsQ87

— StatMuse (@statmuse) 27 март 2025

Да потсетиме, на вечната листа по бројот на трипл-даблови, Јокиќ е на третото место со 161. Пред него се само Оскар Робертсон со 181 и Расел Вестбрук со 203 трипл-даблови.

Со оглед на тоа дека Јокиќ штотуку наполни 30 години, ако здравјето го служи, нема сомнение дека има извонредно реални шанси да заврши кариерата на врвот од оваа престижна листа.