Планот на Милан, со кој сака да го добие Леон Горецка

Германскиот репрезентативец Леон Горецка продолжува да се поврзува со трансфер и во Милан, и во Јувентус пред летниот трансферен прозорец, но денешни информации сугерираат дека „росонерите“ веќе имаат изготвен план со кој ќе се обидат да ја надминат конкуренцијата.

Горецка ќе го напушти Баерн Минхен како слободен агент, откако неговиот договор истече, што го привлече вниманието на некои од најголемите клубови во Серија “А”. Освен Милан и Јувентус, исти информации посочуваат дека тој е посакуван и од Наполи, Интер, а и некои тимови од Премиер лигата би можеле да покажат интерес. “Гадзета дело спорт” и “Тутоспорт” тврдат дека 31-годишниот Горецка ќе сака тригодишен договор од новиот тим.

Според “Гадзета дело спорт” Милан нема проблем со траењето на договорот, особено ако се смета дека Адриен Рабио исто така потпиша тригодишен договор на возраст од 30 години минатото лето.

Изданието сугерира дека Милан е единствениот клуб што во моментот е подготвен да му понуди тригодишен договор на Горецка, додека нивните конкуренти се поподготвени за двогодишна понуда.

Иако се смета за слободен трансфер, не се очекува доведувањето на Горецка да биде евтино. “Тутоспорт” објавува дека играчот ќе бара плата од 7 милиони евра годишно со бонус при потпишување од 10 милиони евра. Ова би го чинело Милан вкупно 31 милион евра за тригодишен период. Во меѓувреме, “Гадзета дело спорт” тврди дека „росонерите“ ќе направат понуда од 5 милиони евра годишно.