Новата сезона во англиската Премиер лига е на самиот праг, но за првпат по подолго време Манчестер Сити не се гледа како апсолутен фаворит за титулата. Овој статус, барем според голем дел од фудбалската јавност, сега му припаѓа на Ливерпул, кој сериозно се засили во текот на летниот преоден рок.
Некои анализи дури го сместуваат Сити на третото место според шанси за трофеј, што претставува значителен пад за клубот кој во последната деценија доминираше во англискиот фудбал. Освен навивачите и спортските аналитичари, загриженост изразуваат и дел од челниците во самиот клуб.
Дејан Димовски: Скопје троши 700 литри вода дневно по жител | Уште еден поткаст ↓↓↓
Главната причина за оваа неизвесност не е само поврзана со трансферите или формата на тимот, туку и со приватниот живот на менаџерот Пеп Гвардиола. Каталонскиот стратег, кој во последните девет сезони освои шест титули со Сити, неодамна се соочи со развод од својата сопруга Кристина Сера, со која беше во брак три децении.
Кристина уште пред неколку години се повлече од животот во Манчестер и се врати во Шпанија, бидејќи не можеше да се адаптира на британскиот начин на живот. Иако парот продолжи да функционира на далечина, на крајот решија да се разделат.
Фото: Grok AI
Учество во игри на среќа е дозволено за лица со 18+ години. Играј одговорно!