Кристиано Роналдо вчера заработи повреда во натпреварот помеѓу Португалија и Србија, а навивачите на „старата дама“ стравуваа дека Португалецот може да ги пропушти натпреварите против Ајакс во Лигата на шампионите.
Роналдо после вчерашниот натпревар самиот даде оптимистичка изјава во која порача дека според него за десетина дена ќе биде максимално спремен.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Не сум загрижен, ниту исплашен за повредата. Ова е фудбал и се случуваат такви работи. Јас добро го познавам моето тело и верувам дека за две недели ќе бидам целосно опоравен“, изјави Роналдо вчера во микс зоната.
Денес со соопштение за повредата на првата ѕвезда на тимот излезе и лекарскиот тим на „старата дама“. Во краткото соопштение за јавноста се наведува дека кај Роналдо после прегледите е констатирана ситна повреда и дека дополнителни информации ќе има во наредните денови.
„Неговата состојба ќе биде следена и дополнително ќе направиме нови прегледи после кои ќе можеме да потврдиме кога точно ќе биде спремен за настап“, стои во соопштението.
Il bollettino medico sulle condizioni di @Cristiano
➡️ https://t.co/fQ2WkfTXD2 pic.twitter.com/sCA6L8RpUN— JuventusFC (@juventusfc) March 26, 2019
Ако прогнозите на Роналдо дека за десет дена ќе биде спремен се покажат како точни значи дека во Јувентус немаат потреба за грижа. Првиот натпревар против Ајакс се игра на 10-ти април, додека реваншот е закажан за шест дена подоцна. Јувентус е фаворит во тој двомеч и се надева на полуфинале во Лигата на шампионите.
Учество во игри на среќа е дозволено за лица со 18+ години. Играј одговорно!