Oсвои Скудето со Наполи, па сега не може да си плати во ресторан: Понекогаш ми е непријатно…

Кореецот Кин Мин Јае ја имаше една од најдобрите сезони во својата кариера откако со Наполи стигна до Скудетото, а и самиот признава дека овие денови живее во вистинска еуфорија.

Секако е пресреќен што му помогна на Наполи да стигне до титулата по 33 години, а во изјава за италијанските медиуми ја опиша ситуацијата во градот.

„Пресреќни сме што го освоивме Скудетото, се сомневам дека во иднина ќе доживеам вакви сцени, не знам дали ќе имам повторно можност. Се што се случува е навистина лудо. Многу прослави, пеење, танцување, скокање…Нешто што не сум доживеал претходно“.

Признава и дека малку му е непријатно затоа што не му дозволуваат да плати во ресторан.

„Понекогаш кога излегувам во град ми е малку непријатно затоа што тоа што сум го нарачал сама да го платам, но сопствениците не ми дозволуваат. Дури и кога ќе одлучат да ми наплатат тоа е по половина ценам, не знам што би кажал освен да им се заблагодарам“, изјави Мин-Јае.