Ова никој не го очекуваше: Гвардиола му порача на Бернардо Силва да си бара нова средина

Пеп Гвардиола (54) му даде до знаење на Бернардо Силва дека нема да смета на него следната сезона, пренесуваат англиските медиуми.

Португалскиот фудбалер веќе некое време е меѓу првите кандидати за напуштање на „Етихад“ ова лето, а се чини дека официјалното заминување сега е неизбежно.

Англичаните известија за наводите на белгискиот новинар Саша Таволиери, кој тврди дека Гвардиола одржал состанок со Силва и јасно ставил до знаење дека не смета на него следната сезона и дека е време тој да го напушти клубот.

Силва изрази желба да се врати во својот матичен клуб Бенфика, а Сити ќе се обиде да го обезбеди тој трансфер.