Голманот на Бајерн Минхен, Мануел Нојер, се повреди во средата навечер во Лигата на шампионите додека го прославуваше голот за својата екипа во победата против Леверкузен (3:0) и нема да биде на располагање до натамошно известување, соопшти германскиот клуб во четвртокот наутро.
“Нашиот 38-годишен капитен претрпе раскинување на мускулот во десната потколеница и ќе биде недостапен во следните натпревари,” се наведува во соопштението на Бајерн по победата над Баер Леверкузен 3:0 во првиот натпревар од осминафиналето на Лигата на шампионите на Алијанц Арена.
Кратко по вториот гол на Џамал Мусиала во 54-тата минута, Ноер побара замена одејќи со куцање. “Тоа се случи додека славеше,” рече тренерот на Баварците, Винсент Компани, веднаш по натпреварот.
Светскиот првак од 2014 година ќе изостане три до четири натпревари, вклучително и реваншот против Леверкузен, известува германскиот новинар Флориан Плетенберг. Неговата замена е 21-годишниот Јонас Урбиг, кој во средата го имаше првото деби за првиот тим на Бајерн.
Учество во игри на среќа е дозволено за лица со 18+ години. Играј одговорно!