Откриена е тежината на повредата на Дани Олмо, ќе ги пропушти клучните натпревари

Повредата на Дани Олмо доаѓа во многу незгоден момент за Барселона, која е пред клучните натпревари на сезоната.

Клубот потврди дека станува збор за повреда на мускулот на десната нога, поради која играчот од средината на теренот ќе отсуствува три недели.

Иако паузата не е долготрајна, Олмо ќе го пропушти реваншот во полуфиналето на Купот против Атлетик, како и првиот натпревар од четвртфиналето на Лигата на шампионите против Борусија Дортмунд. Исто така, неговото отсуство може да се почувствува во трката за титулата во првенството против Реал Мадрид, со кого Барселона води битка за насловот.

Олмо во последните недели беше во одлична форма, што го потврдува и фактот дека против Осасуна, во натпреварот во кој се повреди, беше стартер по шести пат по ред. Пред да биде заменет во 28-та минута, од белата точка го зголеми водството на Барселона на 2:0. Освен настапите за клубот, беше активен и за шпанската репрезентација, играјќи против Холандија во четвртфиналето на Лига на нации.

Имајќи ја предвид важноста на претстојните натпревари, Барселона ќе мора да се снајде без него, надевајќи се дека ќе се врати на теренот пред реваншот со Борусија Дортмунд.