Освои Златна топка, а сега на 29 години веќе нема да заигра сериозен фудбал!?

Шпанскиот играч за врска Родри (29) се очекуваше да има славеничко враќање во неговиот дом со Манчестер Сити на натпреварот против Виљареал во Лигата на шампионите. За жал, мечот го пропушта поради проблеми со опоравување од повредата на коленото.

The Athletic потенцира дека ова само ја продлабочува несигурноста во неговата можност да се врати на врвот на формата, една година по сериозната операција на коленото.

Родри имаше блескава кариера во изминативе години, каде освои многу трофеи со Сити, а откако го освои Европското првенство со Шпанија минатата година, беше крунисан со Златната топка.

Сепак, Родри сега е на крстопат во кариерата, бидејќи следуваше низ од помали повреди откако во септември минатата година го искина предниот вкрстен лигамент.

Родри тогаш ги доживеа најлошите можни сценарија, покрај предниот вкрстен лигамент, оштетени беа и двата менискуса, кои се клучни за стабилноста и апсорпцијата на ударите во коленото.

Since returning from his ACL surgery in May, Rodri has suffered three different injuries 🤕

So is the 2024 Ballon d’Or winner permanently broken, and what does that mean for his future? 😢

— GOAL News (@GoalNews) October 21, 2025

Пеп Гвардиола предвиде пауза до 12 месеци, но Родри се врати на теренот за помалку од осум месеци, а изгледа дека клучната грешка беше учеството на Светското клубско првенство.

Гвардиола мораше да го извади од игра во полуфиналето поради проблеми со препоните, а и недели подоцна изнесуваше вознемирувачки информации дека Родри не може да го издржи интезитетот на натпреварите.

Сепак, Родри повторно започна натпревар против Брентфорд, но беше на теренот само 22 минути пред да се соочи со нова повреда на тетивата, што го стави на нова принудна пауза.