Осимен може да се пресели кај најголемиот ривал на Наполи

Јувентус покажува сериозен интерес за Виктор Осимен и сака да го доведе следното лето во Торино.

Осимен ова лето остана надвор од тимот на Наполи и на крајот беше испратен на позајмица во Галатсарај до крајот на сезоната.

Иднината на Влаховиќ во Јувентус е неизвесна, па „бјанконерите“ сакаат да го доведат Осимен следното лето.

Влаховиќ одбива да го продолжи договорот и најверојатно ќе биде продаден за 70 милиони евра, а главна цел ќе биде Осимен.

Јувентус е подготвен да ја плати клаузулата од 75 милиони евра што ја има во договорот на Осимен. Сепак, според други извори, оваа клаузула важи само за клубови надвор од Италија, додека за тимови од Серија А, клаузулата е 90 милиони евра.