Опсадна состојба во Евролигата, НБА Европа започнува во 2027 година

По три дена интензивни разговори во Барселона и Женева, потврдено е она за што долго се зборува – европската кошарка оди кон голема трансформација, а НБА има конкретен план и практично знае кога ќе го лансира проектот „Европа“.

Порталот „Еурохупс“, повикувајќи се на свои извори, ги цитира зборовите на Џорџ Ајвазоглу, извршен директор на НБА Европа и Блискиот Исток, и тврди дека на евролигашките клубови јасно им било предочено:

– новата лига под покровителство на НБА почнува на почетокот на сезоната 2027/28;

– Лигата ќе вклучува 16 екипи – 12 со долгорочни договори, додека четири места ќе бидат отворени за квалификации секоја година;

Оваа вест не е изненадување, но сега е јасно дека не сите актуелни членови на Евролигата ќе имаат загарантирано место во новото натпреварување. Исто така, сегашниот статус на акционерите на Евролигата нема автоматски да важи и во новиот систем.