Фудбалската федерација на Македонија (ФФМ) денеска официјално го доби новиот претседател. На вонредното Собрание на ФФМ, по приемот на оставката на Муамед Сејдини, делегатите едногласно го избраа Масар Омерагиќ за нов водич на македонскиот фудбал.
По шест години лидерство на Муамед Сејдини, ФФМ преминува во нова фаза под раководство на Масар Омерагиќ, искусен фудбалски професионалец со долгогодишно искуство и длабоко познавање на фудбалската сцена.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Омерагиќ се обврза да ги унапреди фудбалските активности во земјата и да ги зајакне националните тимови, создавајќи услови за нови достигнувања на македонскиот фудбал.
По предлог на новиот претседател на ФФМ, Масар Омерагиќ, за спортски директор на сите македонски репрезентативни селекции е назначена македонската фудбалска легенда, Горан Пандев.
Исто така, двајца фудбалски великанa, Илија Најдоски и Агим Ибраими, поранешни репрезентативци на Македонија, се назначени за советници во кабинетот на претседателот на ФФМ.
Фото: ФФМ
Учество во игри на среќа е дозволено за лица со 18+ години. Играј одговорно!