Фудбалерите од шпанската елита ќе го изразат својот протест против одлуката на Ла Лига натпреварот помеѓу Виляреал и Барселона да се игра во Мајами, објави ексклузивно радио COPE, што подоцна беше потврдено и од Здружението на шпанските фудбалери (AFE).
“Фудбалерите ќе протестираат симболично како израз на незадоволство од недостатокот на транспарентност, дијалог и доследност од страна на Ла Лига во однос на можноста натпревар од првенството да се игра во Соединетите држави“, соопштија од AFE со поддршка на капитените од тимовите во шпанската елита.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
“Синдикатот реши да не ги вклучува во иницијативата фудбалерите на Барселона и Виляреал, бидејќи нивните клубови имаат пријавено учество во проектот. Ова се прави за да се избегне интерпретација на протестот како акција насочена против кој и да е клуб, иако играчите ја споделуваат заедничката позиција и критики“, се додава во изјавата.
Капитените на тимовите во елитата комуницирале меѓу себе и ја разгледувале идејата да ја прекинат играта накратко на почетокот на натпреварите од претстојниот круг во знак на незадоволство. Така почетните минути на натпреварите од претстојниот 9-ти круг ќе бидат одложени за меѓу 20 и 30 секунди.
Идејата е натпреварите да бидат прекинати за околу половина минута веднаш по првиот судиски сигнал. Ова ќе биде начин играчите и тимовите да го изразат своето незадоволство од начинот на кој се развиваат настаните околу планираниот натпревар во Мајами. Така ќе се демонстрира единството на фудбалерите и ќе се испрати јасна порака до останатиот дел од фудбалскиот свет.
Според информациите на COPE, меѓу играчите владее огромно незадоволство во однос на намерата натпреварот помеѓу “жолтата подморница” и Каталонците на 20 декември да се одржи во Мајами.
Учество во игри на среќа е дозволено за лица со 18+ години. Играј одговорно!