Младата ѕвезда на Барселона, Ламин Јамал, официјално го продолжи договорот со клубот. Како што се претпоставуваше, новиот договор на напаѓачот е до 2031 година.
Потпишувањето се случи денеска во клубските канцеларии во присуство на претседателот Жоан Лапорта, првиот потпретседател Рафа Јуста и спортскиот директор Деко.
Goblin Games - Индустријата за Board Games е во огромен подем! ↓↓↓
Јамал е дел од младинската школа на Барса. Тој дебитираше за првиот тим во 2023 година и досега има одиграно 106 натпревари со 25 гола и 34 асистенции за „блаугранас“.
17-годишниот напаѓач имаше клучна улога во освојувањето на европската титула со Шпанија минатото лето, а потоа имаше извонредна сезона со тимот на Барселона, која заврши со тројка на домашната сцена.
“Ел Паис” објави дека Јамал ќе добие тројно зголемување на платата и ќе заработува по 15 милиони евра годишно. Со бонусите, сумата може да достигне 20 милиони.
“Сегашност. Иднина. Ламин Јамал.”, напишаа од Барса на социјалните мрежи покрај колажот, со кој го објавија потпишувањето на новиот договор.
Let’s dance. Until 2031. pic.twitter.com/Hfwy0TtOol
— FC Barcelona (@FCBarcelona) May 27, 2025
Учество во игри на среќа е дозволено за лица со 18+ години. Играј одговорно!