Иако квалификациите сè уште не се започнати, веќе е познато дека отварањето на ЕУРО 2028 ќе се одржи во Кардиф, додека двата полуфиналиња и финалето ќе се играат на „Вембли“ во Лондон.
Домаќини на турнирот ќе бидат Англија, Шкотска, Велс и Ирска. Вкупно 24 тима ќе се квалификуваат за натпреварувањето. 20 од нив ќе бидат определени преку квалификациите: 12-те победници во групите и 8-те најдобри второпласирани. Останатите две места ќе се одредат меѓу преостанатите второпласирани и најдобрите тимови од Лигата на нации, кои нема да се квалификуваат директно.
До кога ќе дишеме отровен воздух!? | Уште еден поткаст
Денеска од УЕФА објавија дека првиот натпревар од шампионатот ќе се одржи на „Принсипалити Стадион“ во Кардиф.
Четвртфиналињата ќе се играат во Кардиф, на „Авива Стадион“ во Даблин, на „Хемпден Парк“ во Глазгов и на „Вембли“.
Другите стадиони каде што ќе се играат натпревари се „Етихад Стадион“ во Манчестер, „Тотенхем Хотспур Стадион“ во Лондон, „Вила Парк“ во Бирмингем, новиот „Хил Дикинсон Стадион“ на Евертон и „Сент Џејмс Парк“ во Њукасл.
Ждрепката за квалификациите ќе се одржи во Белфаст на 6 декември 2026 година.
Учество во игри на среќа е дозволено за лица со 18+ години. Играј одговорно!