
Хрватскиот стратег Нико Ковач (50) е новиот тренер на Борусија Дортмунд.
Спортскиот директор Ларс Рикен го потврди ова по натпреварот од Лигата на шампионите против Шахтјар (3:1), а Ковач се договори за еднаиполгодишна соработка со Милионерите.
Педесетгодишниот Ковач го замени Нуриј Сахин, кој беше отпуштен од Борусија минатата недела, додека тимот привремено го водеше Мајк Тулберг.
СТЕМ: Клучот на иднината! Како нашите деца го освојуваат светот! ↓↓↓
“Можам да потврдам дека постигнавме договор со Ковач. Мајк ќе го води тимот во саботниот првенствен натпревар против Хајденхајм, а Нико ќе го преземе тимот в недела”, изјави Рикен за DAZN.
🚨🟡⚫️ Nico Kovać has signed in as new Borussia Dortmund head coach until June 2026.
— Fabrizio Romano (@FabrizioRomano) January 30, 2025
Contract signed and then club announcement to follow today, as Lars Ricken confirmed. pic.twitter.com/orBh3azJUA
Ковач е поранешен хрватски репрезентативен играч кој скоро целата кариера ја помина во Германија. Таму го носеше дресот на Херта Берлин, Баер Леверкузен, ХСВ и Баерн Минхен. На крајот од кариерата настапуваше за Ред Бул Салцбург.
Тренерската кариера ја започна на клупата на хрватската репрезентација. Прво, репрезентација до 21 година, а потоа и А тимот. Потоа ги водеше Ајнтрахт од Франкфурт, Баерн, Монако и неодамна Волфсбург, кој го напушти во март 2024 година.
Дортмунд во оваа сезона особено се мачи во Бундеслигата, каде по 19 кола се наоѓа на 11-то место со 22 бода помалку од лидерот Баерн. Победи само во еден од последните осум натпревари во лигата.