Фудбалерот на Манчестер Јунајтед, Лени Јоро, би можел официјално да дебитира за својот клуб на претстојниот натпревар во Премиер лигата против Арсенал, откако беше отсутен од теренот четири месеци поради повреда, објави тренерот на тимот од Манчестер, Рубен Аморим.
“Можеби Лени Јоро ќе биде во тимот. Мислам дека е во добра фаза, во подобра физичка кондиција, така што мислам дека ќе биде во тимот”, кажа Аморим пред натпреварот со Арсенал.
Како започна приказната со Goblin Games - од гаража до бренд! ↓↓↓
Манчестер Јунајтед ќе игра во Лондон против Арсенал во среда во 21:15, во 14. коло од Премиер лигата.
“Многу е брз и модерен дефанзивец, и е добро кога сакате да вршите висок притисок бидејќи така оставате помал простор да ве напаѓаат“”.
Јоро (19) дојде во Манчестер Јунајтед летово од Лил, откако беше избран во најдобриот тим на француската лига за минатата сезона, во трансфер вреден 62 милиони евра.
Тој ја повреди метатарзалната коска на левото стапало за време на пријателски натпревар против Арсенал одигран во Калифорнија кон крајот на јули.
Манчестер Јунајтед е деветти на табелата во Премиер лигата со 19 поени.
Учество во игри на среќа е дозволено за лица со 18+ години. Играј одговорно!