Од Ливерпул го имаат на ум крилото на Хофенхајм, Базумана Туре, како еден од главните фаворити за замена на Мохамед Салах, тврдат медиумите во Англија и Германија.
Скаутите на тимот од Мерсисајд присуствуваат на речиси секој натпревар на германскиот тим за да ги следат настапите на перспективниот 20-годишен фудбалер. Весникот “Билд” тврди дека Хофенхајм ќе бара околу 40 милиони евра за правата на талентираниот левоног, кој има договор до летото 2029 година, а во него нема вклучена ослободителна клаузула.
Исхрана, повреди и тренинг – совети од доктор по спортска медицина | Уште еден поткаст
Од авторитетното германско издание дополнуваат дека луѓе од Мерсисајд присуствувале и на пријателскиот натпревар помеѓу Брегот на Слоновата Коска и Шкотска минатата недела, освоен од Африканците со 1:0, во кој Туре одигра целосни 90 минути. Фланговиот фудбалер беше дел од националниот тим и за време на Купот на африканските нации на почетокот од годината, каде што постигна два гола. Интерес за фудбалерот пројавуваат и други клубови од Англија, меѓу кои и Астон Вила. Во тековната сезона има на своја сметка 11 асистенции и два гола во 24 натпревари во сите натпреварувања со тимот на Хофенхајм.
Учество во игри на среќа е дозволено за лица со 18+ години. Играј одговорно!