Oфицијално: Чави заминува од Барселона!

Како и што се најавуваше, Чави доби отказ во Барселона и нема да го предводи клубот во наредната сезона.

Со месеци управата на клубот го убедуваше шпанскиот стратег да остане, а кога прифати само неколку недели подоцна ситуацијата се смени поради негова изјава за финансиската состојба по мечот со Алмерија.

Клубот во официјално соопштение го потврди заминувањето.

„Барселона сака да му се заблагодари на Чави за неговата работа како тренер, но и како играч и капитен во минатото. Му посакуваме многу успеси во светот на фудбалот“, стои во соопштението.

Последен натпревар на клупата на Барселона за Чави ќе биде гостувањето на „Рамон Санчез Писхуан“. Очекувањата се негов наследник да биде Ханси Флик.