Oткриено зошто УЕФА се откажа од намерата да ги исфрли од ЛШ Јувентус, Барса и Реал

Иако се најавуваше на крајот сепак УЕФА се откажа од намерата да ги суспендира Барселона, Реал Мадрид и Јувентус во Лигата на шампионите.

Трите европски гиганти останаа на ставот да формираат Суперлига. Во тој проект беа вклучени 12 клубови, но останатите отстапија. УЕФА најави најостри санкции за основачите, сетоа тоа стигна и до дисциплинската комисија, но на крајот се застана.

Сега се открива и зошто УЕФА се откажала од намерата. Имено, објавено е дека УЕФА нема право да ги казни клубовите и дека тие си имаат право да формираат сопствено натпреварување, а во случај да бидат суспендирани тогаш Европската куќа на фудбалот би требало да им исплати огромни оштети.

Судијата Мануел Руиз де Лара посочи дека суспензија на Реал, Барса и Јувентус ќе значи исплата на 20% од вкупната заработка на овие клубови, меѓутоа на месечно ниво. Што значи дека ако трите великани во просек заработувале по 50-на милиони за учество, една петина е 10 милиони месечно или 120 милиони годишно. Пресметано за три клуба, тоа би било скоро 360 милиони евра.

Веројатно и поради Перез, Лапорта и Ањели неколку пати јавно тврдеа дека не се плашат од можна суспензија од УЕФА.