Oтворена понуда за Меси: Дојди кај нас и ја имаш „десетката“

Веќе подолг период се шпекулира дека Лионел Меси е незадоволен и ги прекинал преговорите со Барселона за продолжување на соработката.

По таквите најави се појавија и најави каде би можел Меси да ја продолжи кариерата. Во овој момент реално тешко е да се верува дека Меси ќе се реши да замине, но во фудбалот сме биле сведоци на разни чуда.

Околу неговата иднина сега зборуваше сонародникот на Меси и прв човек на Естудијантес, Хуан Себастијан Верон. Верон испрати јавна покана до Меси и му ја вети „десетката“.

„Ако сака да дојде кај нас ја има „десетката“ тоа можам да му го гарантирам“, кратко порача Верон.