Нова повреда во Арсенал му прави главоболки на Артета

Германскиот репрезентативец Каи Хаверц се соочува со нов здравствен проблем, откако „Атлетик“ објави дека офанзивецот заработил мускулна повреда.

Според информациите, Хаверц нема да биде во комбинација за настап на претстојното дерби на Северен Лондон кое се игра на 22 февруари. Иако станува збор за важен натпревар, од таборот на клубот пристигнуваат смирувачки сигнали дека повредата не е од посериозна природа.

Сепак, неговото отсуство ќе претставува значителен удар за тимот, со оглед на улогата што ја има во офанзивната линија и во тактичките замисли на тренерот.