Никој во Барселона не знае кога тимот ќе се врати на „Камп Ноу“

Иако првично беше планирано враќањето на Барселона на реновираниот Камп Ноу до крајот на 2024 година, се чини дека каталонскиот гигант нема да се врати на својот стадион до мај и крајот на сезонава која е во тек.

Реновирањето на Камп Ноу започна во текот на летото 2023 година, а планот беше реконструкцијата вредна 1,5 милијарди евра, која е планирана во три фази, да биде готова за одигрување натпревари до крајот на 2024 година.

Од тоа нема ништо, а сега се наѕира дека клучниот месец е март. Во март сите во Барселона ќе знаат кога тимот ќе се врати на стадионот.

🏟️ El Barça admite que no sabe cuándo podrán regresar al Spotify Camp Nou

❌ Si no pueden volver en marzo, ya se asume que el retorno a casa no será hasta la próxima temporada. Han habido muchas incidencias

✍️ @sergidejuan9 https://t.co/YzWgQWkNCh

— Diario AS (@diarioas) December 18, 2024

Сега од Барселона ги потврдија лошите вести за сите навивачи, а тоа е дека никој во клубот не знае кога ќе се врати клубот на својот стадион, кој многу му недостасува.

Според весникот АС, март е клучен месец бидејќи тогаш ќе се игра осминафиналето на Лигата на шампионите. Ако Барселона директно се квалификува, треба да игра на 4. или 12. март и се надева дека тоа ќе биде на реновираниот Камп Ноу.

Сепак, одборот не е многу оптимистичен, и од клубот признаваат дека најверојатно на Камп Ноу нема да се игра до крајот на сезоната. Иако работите се јасно видливи на фотографиите, според зборовите на клубот, дојде до серија инциденти што предизвикаа значителни доцнења од планираното.

Моментално се одржуваат неделни состаноци на одборот кој е задолжен за решавање на неочекуваните проблеми. Она што е важно за клубот, е дека спортскиот советник во градскиот совет на Барселона, Дејвид Ескуде, најави најголема можна помош за клубот за да се продолжи закупот на стадионот Монтжуик, на кој клубот моментално игра.