Неочекувана опција, Душан Влаховиќ на заем, и тоа во Премиер лигата?!

Душан Влаховиќ и Арсенал e сапуница што трае веќе месеци.

Но, денес за прв пат пристигна информација дека Влаховиќ би можел да го засили Арсенал на позајмица до крајот на сезоната, со обврска за откуп.

Јувентус и Влаховиќ сè уште не постигнале договор за продолжување на соработката, а бидејќи има договор до летото 2026 година, “Старата дама” би морала да го продолжи оваа година.

Влаховиќ и оваа сезона често е на мета на критичари поради променливата форма, а се засилуваат гласовите дека Тијаго Мота сака да го доведе Рандал Коло Муани, кој исто така е блиску до позајмица од Пари Сен Жермен.

Влаховиќ сигурно би бил подготвен да премине во Арсенал, бидејќи го чека место во стартниот состав.

Габриел Жезус се здоби со повреда на коленото, веројатно очекувајќи го долг период на опоравување, а Каи Хаверц сепак не е класичен напаѓач, исто како ни Леандро Тросар.

Микел Артета има желба да доведе еден класичен напаѓач и еден врвен стрелец, а српскиот репрезентативец е желба веќе подолго време.