Некогаш вредеше 58 милиони, сега кариерата ја продолжува во неочекуван клуб!

Бенџамен Менди на врвот на својата кариера играше за Манчестер Сити. Со “Граѓаните” освои четири Премиер лиги и уште пет трофеи.

Неговата кариера подолго време е во пад. Вклучувајќи и судење со кое се соочуваше. Светскиот шампион со Франција, играше минатата полусезона за Цирих.

Информациите се дека овој фудбалер преминува во полската Погон Шчеќин. Тоа е договор на две години.

Во Полска доаѓа како слободен играч, а неговата вредност значително опаднала, на само милион евра. Менди е ученик на Авр каде што се издигнал. Потоа играше за Монако и Марсеј пред да отпатува за Англија. Таму помина шест години и се префрли во Лоријан. Од таму се најде во Швајцарија.