Месечните награди од Премиер лигата за месец октомври отидоа кај „црвените ѓаволи“ од Манчестер. Рубен Аморим е избран за најдобар тренер, додека Брајан Мбеумо ја освои наградата за играч на месецот.
За двајцата, Аморим и Мбеумо, ова се првите признанија во нивните кариери.
До кога ќе дишеме отровен воздух!? | Уште еден поткаст
Манчестер Јунајтед забележа три победи во три натпревари овој октомври, што претставува прв пат да ги врзат три лигашки триумфи по ред од февруари 2024 година.
Тимот од Олд Трафорд забележа победи против Сандерленд (2:0), против нивниот најголем ривал Ливерпул (2:1) што е прва победа на Јунајтед на Енфилд по скоро десет години и против Брајтон (4:2).
Аморим е првиот менаџер на Јунајтед кој ја добил таа чест за менаџер на месецот откако последен пат наградата ја доби Ерик тен Хаг во ноември 2023 година.
Мбеумо има зад себе одличен месец. Беше стрелец или асистент во сите три натпревари овој октомври – ја започна серијата со асистенција за Мејсон Маунт против Сандерленд, постигна гол на Енфилд против Ливерпул за само 62 секунди игра, а беше и стрелец против Брајтон.
Учество во игри на среќа е дозволено за лица со 18+ години. Играј одговорно!