Навивачите на Далас во шок поради Дончиќ: Се чувствуваме како кога го убија Кенеди!

Не се намалува бурата поради трејдот на Лука Дончиќ во Лејкерс и Ентони Дејвис во спротивен правец – во Далас страстите не се смируваат. Навивачите не беа подготвени за овој потег на управата.

Лука Дончиќ повеќе не е дел од франшизата од Тексас, тоа е болната вистина со која се соочени разочараните навивачи. И тешко се помируваат со реалноста.

„Ова е апсолутно најлошиот ден во историјата на Далас Маверикс“, вели еден навивач на Далас.

Друг навивач направи паралела меѓу трејдот на Дончиќ и убиството на поранешниот американски претседател Џон Кенеди.

„Ова е слично чувство како кога го застрелаа Кенеди“, посочи навивачот.