Шведската фудбалска репрезентација, 32. на листата на ФИФА, доживеа комплетен колапс во актуелните европски квалификации за пласман на Светското првенство следната година и е на самото дно на групата Б. Во четири натпревари Швеѓаните еднаш ремизираа и трипати загубија. Многу пред нив се Швајцарија со десет и Косово со седум бодови, додека претпоследната Словенија има три бода.
Најсилните алки на Шведска требаше да бидат напаѓачите Александар Исак и Виктор Ѓокерес, фудбалери кои летово направија мегаломански трансфери. Исак премина од Њукасл во Ливерпул (145 милиони евра), а Ѓокерес од Спортинг во Арсенал (66 милиони евра). Иако ретки се светските репрезентации кои можат да се пофалат со таков напаѓачки двоец, Шведска на четири квалификациски натпревари постигна само два гола.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Во понеделникот, Шведска загуби на домашен терен во Гетеборг против Косово со 0:1. “Ужасен резултат и овие квалификации не убиваат. Ништо не функционираше. Примаме евтини голови, а самите очигледно сме заборавиле како се постигнуваат голови. Многу нè боли новиот пораз”, се обиде да ги пронајде зборовите во коментарот за поразот шведскиот селектор Јон Дал Томасон.
Шведските навивачи се огорчени од игрите и резултатите на репрезентацијата, а посебно се гневни на Виктор Ѓокерес за кого многумина од нив наведуваат дека е “играч помалку на теренот”. Многу други советуваат стручниот штаб да го отстрани од тимот и да ја зајакне одбраната со еден играч или да го замени со офанзивен среден играч или крилен напаѓач.
Учество во игри на среќа е дозволено за лица со 18+ години. Играј одговорно!