На извлекувањето за Светското првенство, ФИФА повеќепати ја истакнуваше брзината со која се распродаваат влезниците. Претседателот на организацијата доби пофалба и од Доналд Трамп, бидејќи ФИФА наводно поставува нови рекорди во бројот на продадени влезници. Меѓутоа, главната полемика на чело на оваа тема веќе неколку месеци се високите цени на билетите од моментот кога беа пуштени во продажба.
Влезниците за овој Мундијал чинат значително повеќе отколку оние за претходното Светско првенство во Катар. На оваа цена мора да се додадат и трошоците за виза, патување и престој.
Како екраните влијаат на детскиот развој? Разговор со дефектолог
Се огласи и здружението на навивачи „Навивачи на Европа“, кое изрази зачуденост од стратегијата на ФИФА, нарекувајќи ја изнуда. Здружението бара веднаш да се прекине продажбата на билети.
Здружението на англиските навивачи ги посочи цените на влезниците како навреда за сите фудбалски обожаватели.
Во примерите се споредуваат цените на билетите за финалето на Светското првенство кое ќе се одржи на стадионот Метлајф во Њујорк.
Обичните влезници за навивачи се продаваат по цена од 3.119 фунти (4.185 долари), додека местата со малку подобар преглед чинат 4.162 фунти или 5.560 долари. Најдобрите места резервирани за „обични“ навивачи се по цена од 6.615 фунти, односно 8.860 долари. Овие цени се седумкратно повисоки во однос на Катар. За споредба, најевтината карта за финалето пред четири години изнесуваше 450 фунти, пренесува Би-Би-Си.
ФИФА не предвиде никакви попусти за децата или другите чувствителни групи.
Дополнително, оваа година влезниците за групната фаза се пресметуваат според „популарноста на репрезентациите на глобално ниво“. Ова значи дека навивачите на земји како Бразил, Аргентина, Шпанија, Франција, Германија и Англија ќе платат значително поскапи билети во споредба со навивачите на Шкотска, Хаити или Курасао.
Учество во игри на среќа е дозволено за лица со 18+ години. Играј одговорно!