Наполи се обиде да го доведе младиот ас на Реал, но шпанскиот гигант не сака да се раздели со него!

Актуелниот шампион на италијанската Серија А, Наполи, се потруди да го искористи летниот трансфер период за да го добие во своите редови младиот талент на Реал Мадрид, но одговорот од „кралскиот клуб“ беше брз и одлучен – негативен.

Според информации од шпанските медиуми, клубот од југот на Италија изрази сериозно интересирање за позајмица на Франко Мастантуоно, еден од најперспективните млади фудбалери на Реал.

Наполи сметаше дека договорот за позајмица би бил прифатливо решение за двете страни, меѓутоа управата на „Лос Бланкос“ не размислуваше многу. Од Мадрид стигна кратка и јасна порака – Мастантуоно не е достапен за позајмица.

Шпанскиот фудбалски гигант нема намера да го прати младиот играч на позајмица, бидејќи го гледа како долгорочна инвестиција и важен дел од иднината на тимот. Во клубот веруваат дека Мастантуоно има огромен потенцијал и дека набрзо ќе добие поголема улога во главниот тим.

Иако Наполи е познат по развивање на млади фудбалери во светски ѕвезди, овој пат не успеаја да ја убедат управата на Реал. Одлуката беше едногласна и немаше простор за понатамошни преговори, што јасно покажува колку доверба има клубот во младиот аргентинец.

За Наполи, ова е разочарување и знак дека ќе треба да побараат засилувања на друго место.

Од друга страна, Мастантуоно останува во средина која му нуди идеални услови за понатамошен развој, а во Реал се надеваат дека нивното трпение ќе донесе плодови.