Шест дена пред почетокот на Ролан Гарос, првиот на кој може да биде присутен само како пензионер, Рафаел Надал отвори специјално крило на музејот во неговата академија во родниот крај – посветено на големите успеси на парискиот грен слем.
„Како што знаете, Ролан Гарос е најспецијалниот турнир во мојата кариера. Благодарност до сите кои го создадоа ова специјално место во музејот во Академијата Рафаел Надал со сите спомени. Се гледаме во Париз во недела,“ напиша легендарниот Шпанец на социјалните мрежи со потсетување дека првиот ден од големиот турнир ќе му биде организирана свечена проштална церемонија.
Како започна приказната со Goblin Games - од гаража до бренд! ↓↓↓
Како што пишуваат шпанските медиуми, во музејот се изложени фотографии од сите 14 освојувања на купот „Мускетари“ на Ролан Гарос, ракетите, патиките и марамите кои ги користеше на секој од 112-те натпревари на париската земја, како и сите податоци и реплики од трофеите. Тука е и реплика на статуата која парискиот турнир ја посвети на својот најголем шампион.
.Así es la nueva zona que el Rafa Nadal Museum ha dedicado a la carrera deportiva de @RafaelNadal en @rolandgarros 👉🏻 https://t.co/hj4pPYOv6u pic.twitter.com/VE920RwOKU
— Rafa Nadal Academy by Movistar (@rnadalacademy) May 19, 2025
Учество во игри на среќа е дозволено за лица со 18+ години. Играј одговорно!