Бернардо Силва неодамна даде на знаење дека би можел да го напушти Манчестер Сити по истекот на договорот следното лето, а за него е заинтересиран – Милан.
Според доверливи италијански извори, раководството на Милан веќе го контактираше Португалецот за да ги открие неговите планови за по завршувањето на сезоната.
Од лозје до чаша: Уметноста на виното со Теодор Бојаџиев | Уште еден поткаст
Португалскиот играч, кој сè уште не е подготвен за преселба во Саудиска Арабија, има 31 година и јасно е дека може да одработи уште неколку сезони на највисоко ниво.
Силва пристигна во Сити уште во летото 2017 година за 50 милиони евра и ја оправда секоја инвестиција. Досега ги освои сите можни трофеи, вклучувајќи шест титули во Премиер лигата и Лигата на шампиони.
Одлично одигра неверојатни 416 натпревари, забележувајќи 72 гола и 74 асистенции, но сепак, изгледа дека разделбата е на хоризонтот.
Неговиот договор трае до 30-ти јуни и засега нема наговестувања за продолжување. Да потсетиме, летово како слободен играч замина и Кевин Де Брујне, а со евентуалниот заминување на Силва би било официјално завршеток на една ера.
Учество во игри на среќа е дозволено за лица со 18+ години. Играј одговорно!