Мурињо за враќањето во Португалја: Мислев дека кога ќе дојдам тука ќе бидам селектор

Жозе Мурињо ја започна својата ера на клупата на Бенфика со победа од 3:0 против Авес во натпреварот од петото коло на Преиралига.

Судаков ја отвори мрежата пред крајот на првото полувреме, Павлидис точно погоди од белата точка во продолжението, а Ивановиќ го постави конечниот резултат. Бенфика остана непоразена на почетокот од сезоната и со еден натпревар помалку има 13 поени од пет натпревари, додека Порто е максимален со шест победи.

„Секогаш сум знаел дека ќе се вратам во Португалија, но мислев дека тоа ќе биде на клупата на репрезентацијата. Знаев дека порано или подоцна ќе се случи. Сега се оствари тоа со Бенфика, еден вистински гигант – и не зборам ова бидејќи сум присутен овде, туку го кажував и додека бев во Фенербахче. Бенфика е навистина гигант”, посочи Мурињо.