Откриени се деталите од двегодишниот договор што Жозе Мурињо го потпиша со Бенфика, а во јавноста излезе и клаузула која би можела да му овозможи на португалскиот стручњак да ја напушти тренерската позиција веќе на крајот на оваа сезона. Да потсетиме, 62-годишниот Мурињо беше без ангажман откако минатиот месец доби отказ во Фенербахче поради неуспехот во квалификациите за Лигата на шампионите, а неговото доаѓање во Бенфика беше потврдено во четвртокот попладне, пишува „Дејли Мејл“.
Иако Бенфика во својот извештај за медиумите навела дека со Мурињо постигнала договор за “спортски договор за вработување кој ќе трае до крајот на спортската сезона 2026./27.”, португалскиот медиум Record открива детал од него. Во него постои излезна клаузула согласно која “секоја од страните може да го раскине договорот” во период од 10 дена по завршувањето на актуелната сезона.
Кој ќе победи во Beer Pong - Лига на Шампиони
Ако соработката не оди според планот, Бенфика во тој случај би платила “значително пониски трошоци” за предвремено раскинување. Клаузулата важи и за Мурињо, ако тој одлучи да замине, би морал на клубот да му исплати “еквивалентен износ”.
Мурињо стекна богатство од раскинувања на договори. Само на тој начин на неговата сметка легнале повеќе од 100 милиони евра.
Учество во игри на среќа е дозволено за лица со 18+ години. Играј одговорно!