Мурињо во шок на свој терен, Јунајтед испушти победа

Глазгов Ренџерс и Лион си обезбедија предност на гостувањата против Фенербахче и ФЦСБ во Лига Европа, триумфирајќи со 3:1. АЗ Алкмар го совлада Тотенхем, додека дерби дуелот помеѓу Реал Сосиедад и Манчестер Јунајтед заврши без победник.

Џошуа Зиркзе ги донесе „ѓаволите“ до предност во 58-та минута, но Микел Ојарзабал успеа да израмни од пенал во 70-та минута.

Фенербахче загуби на својот терен со 3-1 од Ренџерс. Десерс го отвори резултатот за гостите уште во седмата минута, но Фенербахче постигна изедначување преку Џику во 30-та минута.

На само три минути пред крајот на првото полувреме, Черни ја врати предноста на Глазгов на 2-1, а истиот играч во 81-та минута ги постави конечните 3-1 за тимот од Шкотска.

АЗ Алкмар ја обезбеди својата минимална предност од 1-0 против Тотенхем. Лукас Бергвал, играч од англискиот тим, постигна автогол во 18-тата минута.