Салиба и понудата која не се одбива? Кога ни самиот играч не ја отфрла…

Фудбалерите на Арсенал се сигурни на првата позиција во Премиер лигата и се надеваат на титулата, прва по 21 година.

Има уште многу работа пред нив, но многумина ги гледаат како освојувачи на трофејот бидејќи Ливерпул почна да губи бодови, а Манчестер Сити исто така не изгледа најдобро.

Прекините и одбраната се нешто што го разделува Арсенал од останатите во Премиер лигата. Доминираат во двата аспекти, а еден од клучните играчи за тоа оваа сезона е Вилијам Салиба. Арсенал првин направи грешка со него, но откако се врати од позајмица од Марсеј, овој играч игра импресивно неколку години и прерасна во еден од најдобрите стопери во светот.

Тоа, се разбира, не може да му избега на клуб како Реал Мадрид кој покажа интерес за него.

“Секако, многу е примамливо кога таков клуб покажува интерес за тебе. Но, сакам да освојам трофеи со Арсенал пред да размислувам за нешто друго”, рече Салиба.

Затоа, ако Арсенал оваа сезона подигне пехар или повеќе, Салиба би можел да биде отворен за премин во Мадрид и покрај договорот кој го има до 2030 година.