Мурињо полуде поради новинарско прашање, па направи хаос (Видео)

Португалскиот тренер Жозе Мурињо го напушти разговорот со новинарите во недела навечер, откако неговиот Фенербахче го победи Хатајспор со резултат 2:1!

Не само што си замина, туку и се караше со еден од нив заради едно прашање, поточно забелешка. И тоа жестоко, а сето тоа заради реченицата: „Важна победа која му овозможува на вашиот тим да остане на осум бодови негатива од лидерот Галатасарај.”

Таа го предизвика гневот на Мурињо кој почна да се кара со новинарот.

„Зошто се плашите да ја кажете вистината? Од што се плашите во оваа земја?“, лут му се обрати Мурињо на новинарот за време на караницата, алудирајќи на наводната помош од судиите што Галата ја има оваа сезона.

Набрзо потоа, Мурињо го напушти микс зоната, а нема сомнение дека неговата реакција ќе одекне во светот на фудбалот.

Jose Mourinho’nun röportajda sinirlendiği anlar: “Bu ülkede insanlar neyden korkuyor?”pic.twitter.com/swL8itgzOj https://t.co/fJGP6ugZny

— Tek Yol FENER (@TekYolFener) January 5, 2025