Мудрик пред враќање на терените, веќе е познат и неговиот нов клуб?

Украинскиот фудбалер Михајло Мудриќ веќе повеќе од една година не игра поради суспензија откако беше позитивен на допинг тест. Но, сега е на повидок неговото враќање на теренот, а се шпекулира за кој клуб би можел да настапува.

Мудрик последен пат играше во ноември 2024 година за Челси, кога фудбалскиот свет беше шокиран од веста дека е суспендиран поради позитивен допинг тест.

Украинецот од самиот почеток тврди дека е невин и дека не е свесен за внесување на забранети супстанци во своето тело. Сепак, казната му беше изречена во траење од четири години.

Неговиот случај потсетува на оној на Погба, кој беше отсутен речиси две години пред неговата суспензија да биде укината, што сега му овозможува да биде дел од тимот на Монако.

Иако Мудрик остана во Челси, гледно на тоа дека клубот не го раскина договорот со него, постоеја гласини дека тој можеби ќе се откаже од фудбалот за да се фокусира на атлетика.

Сепак, неодамна објави видео кое потврдува дека повторно почнал со тренинзи додека се очекува укинување на неговата суспензија, што би му овозможило повторно да заигра.

Овој 25-годишен фудбалер има активен договор до 2031 година и Челси го плаќа, со надеж дека ќе се врати на теренот и ќе го покаже својот потенцијал.

🚨🚨BREAKING: Mykhailo Mudryk е во тренинг во Uxbridge FC, додека чека новости за допинг казната.

Полето го изнајми сам за соло тренинзи и одржување на форма. pic.twitter.com/iUfRDarvDr

— Speedline (@speedlinexx) March 3, 2026

Според последните информации, Мудрик би можел да се врати на терените веќе од следната сезона и ќе има цело лето да се подготви, но не се очекува тој да игра за Челси.

🚨 𝗠𝗬𝗞𝗛𝗔𝗜𝗟𝗢 𝗠𝗨𝗗𝗥𝗬𝗞 🇺🇦 𝗠𝗢ЖЕ ДА ПОТПИШЕ ЗА 𝗦𝗧𝗥𝗔𝗦𝗕𝗢𝗨𝗥𝗚 𝗔𝗞О 𝗘 𝗢𝗖𝗘𝗡 𝗡ﻘ𝗩. 🤯💙🤍

Постои можност да премине во Strasbourg.

𝗜𝗺a потполна спремност да го прифати овој…” https://t.co/yQ0Kh6pHBv pic.twitter.com/lQr77bnx0g

— Actu Foot (@ActuFoot_) March 16, 2026

Според „Л’Eкип“, доколку Мудрик добие дозвола за играње, Челси веројатно ќе го испрати на позајмица, а изгледите се дека негов следен клуб ќе биде Стразбур.

Челси го ангажираше Мудрик на почетокот на 2023 година од Шахтјор за сума од 70 милиони евра.

Пред неговата суспензија, тој одигра вкупно 73 натпревари за „сините”, постигнувајќи десет гола и остварувајќи 11 асистенции.