Можеби е зима, но јануари ќе „гори“: Иднината на Антоан Семењо доживува шокантен пресврт

Трансфер сагата околу ѕвездата на Борнмут и практично најбараниот играч во Европа моментално се многу подгрева и тоа неколку дена пред отворањето на трансфер периодот.

Семењо стана еден од најбараните фудбалери во Премиер лигата, откако постигна девет голови и забележа три асистенции за Борнмут во 16 натпревари оваа сезона.

Само два играчи, Игор Тиаго и Ерлинг Халанд, постигнаа повеќе голови од Семенја во најмоќната лига на светот и јасно е дека овој фудбалер е подготвен за следниот чекор во својата кариера.

Се појавија информации дека Семенја сè договорил со Манчестер Сити, и се поврзуваше и со Манчестер Јунајтед и Челси, кој во крајна линија се откажал од обидот да го доведе овој играч.

Сепак, сето тоа доживува голем пресврт, барем така тврдат новинарите на „Дејли Мејл“ кои велат дека Борнмут очекува и официјална понуда од Ливерпул.

Семенја остави впечаток против „Црвените“ на Енфилд оваа сезона и постигна два гола во тој натпревар.

Ливерпул летоска соработуваше со Борнмут кога го доведе левиот бек Милош Керкез за околу 45 милиони евра.

Спортскиот директор на Ливерпул Ричард Хјуз очигледно има симпатии кон својот поранешен клуб, па сега сака да го доведе и Семенја.

Гвардиола сака овој трансфер да се заврши што побрзо преку активирање на откупната клаузула од 75 милиони евра која е во неговиот договор потпишан до 2030 година.

Сепак, таа мора да биде активирана во првите 10 дена на јануари, инаку повеќе нема да важи. Интересно е што Ливерпул сака да се обиде да го “отме” Семенја од Манчестер Сити.