Прво интервју на Мота по отказот во Јувентус – едно прашање посебно го налути!

Во првото интервју по заминувањето од Јувентус се огласи и Тиаго Мота. 

Тоа го направи за “Коријере дела Сера”, а истакна дека не сака неговиот престој во Јувентус да се претставува како лош бидејќи беше само на бод заостанување во однос на првично поставената цел пред почетокот на сезоната. 

“Тешко е да се анализира, сè уште сме блиску до она што се случи. Секако дека сум разочаран бидејќи не се случи она на што се надевавме, особено во Купот на Италија и Лигата на шампионите. Сепак, не се согласувам дека подвлековме, бевме сопрени во нашата работа кога бевме само на бод од четвртото место. Тоа беше примарната цел на почетокот на сезоната,” рече тој. 

Имаше голем ентузијазам при доаѓањето во Торино, но…

“Работата ја прифатив со голем ентузијазам, знаев дека тоа е тројгодишен проект, базиран беше на револуција во тимот и подмладување. Многу добро знам дека во клубови како Јувентус, мора да победувате. Особено во годините по ништо не се случувало. Проектот не се одвиваше како што планиравме,” рече Мота. 

Вели дека секогаш ги анализирал лошите нешта, дури и по победите, а вели и дека би променил многу нешта во последните два месеци кога екипата не одеше. 

“Тоа беше комплетно нов тим, имавме многу повреди, а бевме блиску до нашата примарна цел. Сепак, ова е одлука на Јувентус и јас ја почитувам,” вели Мота. 

На крајот особено се изнервираше. 

“Кој вели дека соблекувалната беше против мене, тој е лажго. Никој со кого работев не изјави дека имал проблеми со мене. Во Јувентус имав одлична врска со играчите, професионално и приватно. Ги прифаќам сите критики упатени кон мене како тренер, околу моите избори на теренот, но не прифаќам нешта кои се базираат на шпекулации,” рече тој. 

Фото: Juventus.com