Moмент кој се чека: Еве кога Дончиќ ќе дебитира за Лејкерс

Откако јавноста се смири по трансферот на Лука Дончиќ во Лос Анџелес, многумина се прашуваат кога словенечкиот кошаркар ќе дебитира во дресот на новиот клуб.

Лука Дончиќ вчера во еден од најголемите трансфери во последните години од НБА лигата го замени дресот на Далас со дресот на Лос Анџелес Лејкерси. Истовремено, во другиот правец тргна Ентони Дејвис, а во трансферот учествуваше и Јута Џез.

Дончиќ утрово пристигна во Лос Анџелес, а медиумите го следеа неговото доаѓање на аеродромот со посебно внимание. Со тоа започна неговото ново поглавје во животот и НБА кариерата.

Но, бидејќи Дончиќ долго време е повреден, се поставува прашањето кога ќе успее да дебитира за Лос Анџелес Лејкерси. Сигурно, тој натпревар ќе биде еден од најгледаните оваа сезона.

Can’t spell Лука without LA pic.twitter.com/3bNjnNtnhc

— Los Angeles Lakers (@Lakers) February 3, 2025

Дончиќ има проблем со повреда на листот од Божиќ и сè уште не се вратил на теренот. Но, постојат позитивни индикации.

Како што соопшти најугледниот кошаркарски инсајдер, Шамс Чаранија од ESPN, Дончиќ треба да заигра за Лејкерси пред почетокот на Ол-стар настанот кој ќе се одржува од 14 до 17 февруари.

Почетокот е закажан за 11 дена, така што дебито на Дончиќ за Лејкерси е многу блиску. За среќа, се врати на тренинзи и се чини дека повредата дефинитивно е зад него.