Модриќ бара нов договор, Перез му постави услов

Лука Модриќ изрази желба да остане уште една година во Реал Мадрид и својата кариера да ја заврши во дресот на „кралскиот“ клубТ

Тоа нема да биде така лесно бидејќи Перез поставил големи очекувања од ветеранот. Имено, од Модриќ се очекува да ја повтори минатата сезона, кога беше клучен во најважните натпревари.

Реал Мадрид оваа сезона на теренот изгледа многу поинаку, особено по заминувањето на Тони Крос, додека Килиан Мбапе сѐ уште се навикнува на тимот.

Оваа сезона го нема искусниот Начо Фернандез, исто така повреден е Дани Карвахал, па така Модриќ практично е единствениот преостанат лидер во соблекувалната.