Модриќ сакаше да остане во Реал поради СП, но се појавија одредени сомнежи во Мадрид

Откако Реал Мадрид го изгуби финалето на Купот на кралот, почнаа шпекулации за следната сезона. Се чини дека тој резултат беше конечниот поттик за донесување одлуки во рамките на клубот. И не се зборува само за заминувањето на Карло Анчелоти или можните засилувања, пишува „Defensa Central“.

Во клубот исто така го анализираат постојниот кадар и размислуваат кои играчи би можеле да ги продолжат договорите, а кои ќе мораат да бараат нова средина. Во оваа последна група дефинитивно спаѓаат Лука Модриќ и Лукас Васкез. На двајцата наскоро им истекуваат договорите и конечната одлука најверојатно ќе биде да не ги задржат.

Ситуацијата со Модриќ е сепак малку поинаква, бидејќи хрватскиот играч од средниот ред сакаше да остане, но во рамките на клубот постоеја одредени сомнежи. Со оглед на неговите години, изгледаше очигледно дека неговата ера во Реал Мадрид се ближи кон крајот, иако Модриќ имаше во предвид и настап на Светското првенство 2026 година.

Фото: Принтскрин