Од “Тутоспорт” официјално беше објавен конечниот список од 25-те кандидати за годинашното издание на престижната награда Golden Boy, која торинското издание ја доделува на најдобриот фудбалер во Европа до 21 година.
Во конечната селекција беа вклучени 20-те најдобри млади играчи за оваа година според специјалниот алгоритам на “Тутоспорт” и Football Benchmark, како и петмина фудбалери што ја искористија можноста за “уајлд карта”, а токму Франческо Пио Еспозито (Интер), Џовани Леони (Ливерпул), Џоуб Белингам (Борусија Дортмунд), Родриго Мора (Порто) и Александар Станковиќ (Бриж).
До кога ќе дишеме отровен воздух!? | Уште еден поткаст
Според статистичките податоци пак, во списокот влегуваат таленти како Дезире Дуе, Уарен Заир-Емери и Сени Мајулу (Пари Сен Жермен), Арда Гулер, Дин Хаусен и Франко Мастантуоно (Реал Мадрид), Пау Кубарси (Барселона), Кенан Јилдиз (Јувентус), Итан Нуанери и Мајлс Луис-Скели (Арсенал), Лени Јоро (Манчестер Јунајтед), Јорел Хато и Естевао (Челси). Така, со најмногу претставници, по тројца, се ПСЖ и Реал, додека Арсенал, Челси, Тотенхем и Порто се со по двајца номинирани.
За Golden Boy 2025, сепак, нема да се бори минатогодишниот добитник на наградата Ламин Јамал. Иако суперталентот на Барселона има само 18 години и заврши втор во класификацијата на “Златна Топка”, според правилата на анкетата на италијанскиот весник, еден фудбалер не може да ја добие наградата повеќе од еднаш.
Учество во игри на среќа е дозволено за лица со 18+ години. Играј одговорно!