Милан веќе бара наследник на Мењан, во игра се две имиња!

Милан веќе ги разгледува можните замени за голманот Мајк Мењан кој би можел да го напушти клубот на крајот од сезоната, пренесува Газета дело Спорт.

Мењан влегува во последната година од договорот со „росонерите“ и засега нема постигнато договор за продолжување на соработката. Иако преговорите се воделе во последните 12 месеци, останале неразрешени неколку клучни точки.

Како што наведува Газета, Милан моментално има два главни кандидати за замена на Мењан.

Првиот е голманот на Парма, јапонскиот репрезентативец Зион Сузуки, кој минатото лето пристигна од Синт-Тројден за 8.000.000 евра, а неговата вредност оттогаш се удвоила.

Втората опција е Ное Атуболу од Фрајбург, кој неодамна дебитираше за репрезентацијата на Германија. Неговата пазарна вредност се проценува на околу 18 милиони евра.

Покрај нив, како дополнителна опција се спомнува и голманот на Каљари, Елија Каприле, но неговото ангажирање би барало значително поголема финансиска инвестиција.