Милан на чекор до првото летно засилување

Италијанскиот репрезентативец и ѕвезда на Торино, Самуеле Ричи, е на пат да стане првото летно засилување за Милан, тоа го објави „Газета дело Спорт“.

Ричи, иако само 23 години, се наметна како еден од врвните играчи за врска во Серија А, привлекувајќи внимание на многу европски клубови.

Тој е веќе познат како „новиот Пирло“ и неодамна го обнови договорот со Торино. Сепак, на лето веројатно ќе реализира трансфер.

Милан е во напредна фаза на преговори со неговиот агент, а Ричи веќе им кажал ДА на „росонерите“. Се очекува трансферот да изнесува околу 35 милиони евра.