Милан и Интер сакаат стопер од 40 милиони евра!

На Милан и Интер очигледно им е потребен стопер, па челниците на двата клуба го имаат за приоритет доведувањето на доверлив дефанзивец.

Нивниот избор е Џовани Леони, млад стопер на Парма кој има само 18 години.

Парма не сака да го пушти својот бисер за помалку од 40 милиони евра, а се чини дека гигантите од модниот град се подготвени да ги исполнат нејзините барања.

За момчето кое е високо 196 см заинтересиран е и Ливерпул, а прашање е сега во кој клуб до крајот на трансферниот период ќе заврши. Борбата за неговиот потпис допрва започнува. Леони има договор со Парма до летото 2029 година.